మరో మారు వెలుతున్నాడు కేటిఆర్ విదేశీ పర్యటనకు...!

మరో మారు వెలుతున్నాడు కేటిఆర్ విదేశీ పర్యటనకు...!

తెలంగాణా ఐటీ మరియు పంచాయితీరాజ్ ,పురపాలిక మంత్రి వర్యులు కేటిఆర్ మరోమారు విదేశీ పర్యటనలకు వెల్లనున్నాడు. రాష్ట్ర సర్కార్ ఏప్రిల్ 4న కొత్త ఐటీ పాలసీ ప్రకటించనున్న నేపధ్యంలో కేటిఅర్ పర్యటన ప్రాముఖ్యం సంతరించుకోనుంది. ఇంతకుముందు కేటిఅర్ అమెరికా పర్యటన లో గూగుల్ ,మైక్రోసాఫ్ట్ ,అమేజాన్ వంటి దిగ్గజాలను హైదరాబాద్ లో పెట్టుబడులు పెట్టుటకు వారితో చర్చలు జరపడంలో విజయవంతం అయిన కేటిఅర్ ఏప్రిల్ 13నుండి 18వరకు మారిషస్ ,బ్రిటన్ లో పర్యటించనున్నారు. తొలుత మారిషస్ లో అడుగుపెట్టనున్న కేటిఅర్ ఇండియన్ సిస్టం ఆఫ్ మెడిసిన్ అమలులో మారిషస్ కు రాష్ట్ర సహకారం పై చర్చల అనంతరం అక్కడి ఐటీ ,పారిశ్రామిక నిపుణులతో చర్చించనున్నారు. అలాగే 13,14తేదిల్లో ఆయుష్ సదస్సుకు హాజరుకానున్నారు. అనంతరం బ్రిటన్ వెల్లి అక్కడి ఐటీ మరియు పారిశ్రామిక దిగ్గజాలతో బేటీ అయి తెలంగాణాలో పెట్టుబడుల సానుకూలతలు వివరించనున్నారు.